reaya de rahi thi shauq se begar jismon ki

re.āyā de rahī thī shauq se begār jismoñ kī

yahī taqdīr hai aaqā yahāñ nādār jismoñ kī

girā Dālegī tujh pe āsmāñ jo sarsarāhaT hai

tumhāre paañv nīche reñgte bedār jismoñ kī

muarriḳh goliyoñ ke ḳhol ginte jā rahe the aur

hikāyat likh rahe the ham yahāñ mismār jismoñ kī

mohabbat sirf kahne ko ta.alluq tel paanī sā

riyāzat umr bhar karte rahe be-kār jismoñ kī

ḳhudā terā nizām-e-adl rabb-ul-ālamīñ terā

sharī.at tujh ko detī hai ijāzat chaar jismoñ kī

use to fikr dāman-gīr thī shah ke qasīde kī

kahānī ik taraf rakkhī rahī bīmār jismoñ kī

badan chhoḌo sabāhat ho sake to ruuh ko thāmo

koī dam girne vaalī hai yahāñ dīvār jismoñ kī

reaya de rahi thi shauq se begar jismon ki

yahi taqdir hai aaqa yahan nadar jismon ki

gira Dalegi tujh pe aasman jo sarsarahaT hai

tumhaare panw niche rengte bedar jismon ki

muarriKH goliyon ke KHol ginte ja rahe the aur

hikayat likh rahe the hum yahan mismar jismon ki

mohabbat sirf kahne ko talluq tel pani sa

riyazat umr bhar karte rahe be-kar jismon ki

KHuda tera nizam-e-adl rabb-ul-alamin tera

shariat tujh ko deti hai ijazat chaar jismon ki

use to fikr daman-gir thi shah ke qaside ki

kahani ek taraf rakkhi rahi bimar jismon ki

badan chhoDo sabahat ho sake to ruh ko thamo

koi dam girne wali hai yahan diwar jismon ki