reg-zar-e-hayat se guzre

reg-zār-e-hayāt se guzre

har qadam hādsāt se guzre

ḳhār-o-ḳhāshāk kā ġhubār liye

gulshan-e-kā.enāt se guzre

tujh ko paane kī justujū yārab

ham had-e-kā.enāt se guzre

sab ko hai da.avā-e-hama-dānī

kitne irfān-e-zāt se guzre

tere ghar kā tavāf karte hue

ālam-e-shash-jihāt se guzre

arsh hilne lagā thā āl-e-rasūl

tishna-lab jab furāt se guzre

shams' āfāq ke safar meñ ham

nau-ba-nau hādsāt se guzre

reg-zar-e-hayat se guzre

har qadam hadsat se guzre

KHar-o-KHashak ka ghubar liye

gulshan-e-kaenat se guzre

tujh ko pane ki justuju yarab

hum had-e-kaenat se guzre

sab ko hai dawa-e-hama-dani

kitne irfan-e-zat se guzre

tere ghar ka tawaf karte hue

aalam-e-shash-jihat se guzre

arsh hilne laga tha aal-e-rasul

tishna-lab jab furaat se guzre

shams' aafaq ke safar mein hum

nau-ba-nau hadsat se guzre