ret pe sahil ki apne naqsh-e-pa chhoD aae hain

ret pe sāhil kī apne naqsh-e-pā chhoḌ aa.e haiñ

ai havā tere liye apnā patā chhoḌ aa.e haiñ

lauT kar dekheñge us ke aage us ne kyā likhā

Diary meñ us kī ik pannā muḌā chhoḌ aa.e haiñ

yuuñ asar-andāz akele-pan kā dukh ham pe huā

tote ke piñjre ko āñgan meñ khulā chhoḌ aa.e haiñ

shahr meñ aa kar bhaTakte phir rahe haiñ dar-ba-dar

sīdhā sā har rasta apne gaañv kā chhoḌ aa.e haiñ

guzre kyuuñ māyūs ho kar sūrat-e-sā.il huā

ik diyā dahlīz par jaltā huā chhoḌ aa.e haiñ

jaale bun kar makḌiyāñ mahfūz rakheñgī use

vaqt-e-ruḳhsat ghar meñ naam allāh kā chhoḌ aa.e haiñ

us ke ḳhālī-pan ko bhī bharne kī socheñ ai 'niyāz'

vaise to rāshan kā har Dibbā bharā chhoḌ aa.e haiñ

ret pe sahil ki apne naqsh-e-pa chhoD aae hain

ai hawa tere liye apna pata chhoD aae hain

lauT kar dekhenge us ke aage us ne kya likha

Diary mein us ki ek panna muDa chhoD aae hain

yun asar-andaz akele-pan ka dukh hum pe hua

tote ke pinjre ko aangan mein khula chhoD aae hain

shahr mein aa kar bhaTakte phir rahe hain dar-ba-dar

sidha sa har rasta apne ganw ka chhoD aae hain

guzre kyun mayus ho kar surat-e-sail hua

ek diya dahliz par jalta hua chhoD aae hain

jale bun kar makDiyan mahfuz rakhengi use

waqt-e-ruKHsat ghar mein nam allah ka chhoD aae hain

us ke KHali-pan ko bhi bharne ki sochen ai 'niyaz'

waise to rashan ka har Dibba bhara chhoD aae hain