rida-e-ashk mein lipTi hui nahin lagti
ridā-e-ashk meñ lipTī huī nahīñ lagtī
baġhaur dekh ye merī hañsī nahīñ lagtī
na jaane kaisā makāñ ban rahā hai siine meñ
saḌak to kyā ise koī galī nahīñ lagtī
nazar lagī hai ye kin zard zard āñkhoñ kī
gayāh-e-ḳhushk huuñ aur aag bhī nahīñ lagtī
nahīñ huuñ muntazir us haath ke piyāle kā
magar ye kyā ki mujhe pyaas hī nahīñ lagtī
lahū meñ tairtā rahtā hai ik añdherā din
so koī raat bhī mujh ko na.ī nahīñ lagtī
rida-e-ashk mein lipTi hui nahin lagti
baghaur dekh ye meri hansi nahin lagti
na jaane kaisa makan ban raha hai sine mein
saDak to kya ise koi gali nahin lagti
nazar lagi hai ye kin zard zard aankhon ki
gayah-e-KHushk hun aur aag bhi nahin lagti
nahin hun muntazir us hath ke piyale ka
magar ye kya ki mujhe pyas hi nahin lagti
lahu mein tairta rahta hai ek andhera din
so koi raat bhi mujh ko nai nahin lagti
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
