ridaen chalen KHak-danon ki jaanib

ridā.eñ chaleñ ḳhāk-dānoñ kī jānib

vafā.eñ khule sar dukānoñ kī jānib

tire har sitam par yūñhī be-irāda

nazar uTh ga.ī āsmānoñ kī jānib

ajab hai ye kār-e-suḳhan sher-goī

dhakele hai ratbul-lisānoñ kī jānib

nazar sarsarā.ī badan par yuuñ mere

baḌhe saañp jaise ḳhazānoñ kī jānib

mirā ishq kahtā hai mujh se ki aa jā

tujhe le chalūñ maiñ uḌānoñ kī jānib

abhī tifl-e-maktab huuñ aur nā-ahl bhī

kidhar le chale imtihānoñ kī jānib

shab-e-tār kachchā ghaḌā ek dariyā

maiñ baḌhne lagī dāstānoñ kī jānib

to malbe se mere hī ta.amīr hogā

girā ke mujhe baḌh makānoñ kī jānib

merī raah chunñā ki ab maiñ ravāñ huuñ

vafāoñ ke raushan nishānoñ kī jānib

ye nād-e-alī kā ajab mo.ajiza thā

sabhī tiir palTe kamānoñ kī jānib

ridaen chalen KHak-danon ki jaanib

wafaen khule sar dukanon ki jaanib

tere har sitam par yunhi be-irada

nazar uTh gai aasmanon ki jaanib

ajab hai ye kar-e-suKHan sher-goi

dhakele hai ratbul-lisanon ki jaanib

nazar sarsarai badan par yun mere

baDhe sanp jaise KHazanon ki jaanib

mera ishq kahta hai mujh se ki aa ja

tujhe le chalun main uDanon ki jaanib

abhi tifl-e-maktab hun aur na-ahl bhi

kidhar le chale imtihanon ki jaanib

shab-e-tar kachcha ghaDa ek dariya

main baDhne lagi dastanon ki jaanib

to malbe se mere hi tamir hoga

gira ke mujhe baDh makanon ki jaanib

meri rah chunna ki ab main rawan hun

wafaon ke raushan nishanon ki jaanib

ye nad-e-ali ka ajab moajiza tha

sabhi tir palTe kamanon ki jaanib