riste rahte hain zaKHm sine mein
riste rahte haiñ zaḳhm siine meñ
lutf aane lagā hai jiine meñ
dil pighaltā hai ashk Dhalte haiñ
aag sī lag ga.ī hai siine meñ
terī yādoñ kī dhuup hotī hai
Duub jaate haiñ ham pasīne meñ
ashk bahte haiñ yaad meñ terī
aks terā hai har nagīne meñ
luuT lete jo hosh meñ rahte
maal thā dafn jo dafīne meñ
ab ye aalam hai hazrat-e-'jāñbāz'
ham na marne meñ haiñ na jiine meñ
riste rahte hain zaKHm sine mein
lutf aane laga hai jine mein
dil pighalta hai ashk Dhalte hain
aag si lag gai hai sine mein
teri yaadon ki dhup hoti hai
Dub jate hain hum pasine mein
ashk bahte hain yaad mein teri
aks tera hai har nagine mein
luT lete jo hosh mein rahte
mal tha dafn jo dafine mein
ab ye aalam hai hazrat-e-'jaanbaz'
hum na marne mein hain na jine mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
