riyāsat jab bhī Dahtī hai navāse dukh uThāte haiñ
kahīñ puncture banāte haiñ kahīñ Tāñga chalāte haiñ
baḌī mushkil se ye do vaqt kī roTī kamāte haiñ
sahar se shaam tak fōtpath par qismat banāte haiñ
jamūrā sar khujātā hai madārī haath maltā hai
tamāshā dekh kar bad-ma.āsh bachche bhaag jaate haiñ
kisī ke saath rahnā aur us se bach ke rah lenā
ḳhudā hī jaane kaise log ye rishta nibhāte haiñ
hazāroñ log milte haiñ to un meñ ik samajhtā hai
baḌī mushkil se ham bhī dostī meñ sar jhukāte haiñ
riyasat jab bhi Dahti hai nawase dukh uThate hain
kahin puncture banate hain kahin Tanga chalate hain
baDi mushkil se ye do waqt ki roTi kamate hain
sahar se sham tak footpath par qismat banate hain
jamura sar khujata hai madari hath malta hai
tamasha dekh kar bad-maash bachche bhag jate hain
kisi ke sath rahna aur us se bach ke rah lena
KHuda hi jaane kaise log ye rishta nibhate hain
hazaron log milte hain to un mein ek samajhta hai
baDi mushkil se hum bhi dosti mein sar jhukate hain
Source :
- Book : Itwar chhota pad gaya (Pg. 58)
- Author : Pratap Somvanshi
-
Publication : Vani Prakashan
(2016)
- Edition : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
