rona zar-o-qatar chhoD diya

ronā zār-o-qatār chhoḌ diyā

ham ne ye kārobār chhoḌ diyā

jis pe naqsh-e-qadam the majnūñ ke

ham ne vo ḳhār-zār chhoḌ diyā

ham ne taare to gin liye lekin

āñsuoñ kā shumār chhoḌ diyā

saath ummīd hī kā maiñ ne to

thā bahut ḳhush-gavār chhoḌ diyā

jo bharosa thā soch par mujh ko

vo bhī parvardigār chhoḌ diyā

ham ne to aasrā ḳhudā kā bhī

jo ki thā pā.edār chhoḌ diyā

be-vafā jab lagī mujhe maiñ ne

zindagī hī se pyaar chhoḌ diyā

maiñ ne to shaġhl-e-shā.erī 'rāhat'

jab huā dil pe baar chhoḌ diyā

rona zar-o-qatar chhoD diya

hum ne ye karobar chhoD diya

jis pe naqsh-e-qadam the majnun ke

hum ne wo KHar-zar chhoD diya

hum ne tare to gin liye lekin

aansuon ka shumar chhoD diya

sath ummid hi ka main ne to

tha bahut KHush-gawar chhoD diya

jo bharosa tha soch par mujh ko

wo bhi parwardigar chhoD diya

hum ne to aasra KHuda ka bhi

jo ki tha paedar chhoD diya

be-wafa jab lagi mujhe main ne

zindagi hi se pyar chhoD diya

main ne to shaghl-e-shaeri 'rahat'

jab hua dil pe bar chhoD diya