rone walon ne tere gham ko saraha hi nahin

rone vāloñ ne tire ġham ko sarāhā hī nahīñ

raat ḳhush rah ke bhī kaT saktī hai sochā hī nahīñ

na kahīñ abr kā ghūñghaT na havā kī pāzeb

din ka.ī din se tire rañg meñ dekhā hī nahīñ

tū bhī in ujḌe dayāroñ meñ hai merī mānind

aisā lagtā hai ki tū ne mujhe dekhā hī nahīñ

tujh se shikva bhī agar ho to koī baat bhī ho

aa.ina chhoḌ ke mujh ko koī samjhā hī nahīñ

ik ye patthar hai ki Thokar se bahut duur gayā

ek ye dil hai ki siine se nikaltā hī nahīñ

yuuñ to is raah meñ lahke ka.ī āñchal lekin

dil pe vo rañg chaḌhā hai ki utartā hī nahīñ

baiTh rahiye bhī to kyā rah-guzār-e-shab meñ

ab ye rasta tirī āñkhoñ se guzartā hī nahīñ

rone walon ne tere gham ko saraha hi nahin

raat KHush rah ke bhi kaT sakti hai socha hi nahin

na kahin abr ka ghunghaT na hawa ki pazeb

din kai din se tere rang mein dekha hi nahin

tu bhi in ujDe dayaron mein hai meri manind

aisa lagta hai ki tu ne mujhe dekha hi nahin

tujh se shikwa bhi agar ho to koi baat bhi ho

aaina chhoD ke mujh ko koi samjha hi nahin

ek ye patthar hai ki Thokar se bahut dur gaya

ek ye dil hai ki sine se nikalta hi nahin

yun to is rah mein lahke kai aanchal lekin

dil pe wo rang chaDha hai ki utarta hi nahin

baiTh rahiye bhi to kya rah-guzar-e-shab mein

ab ye rasta teri aankhon se guzarta hi nahin