rota hua wo baam mujhe yaad hai abhi

rotā huā vo baam mujhe yaad hai abhī

dil meñ bikhartī shaam mujhe yaad hai abhī

phir kaise ho gayā hai vahī shaḳhs itnā ḳhaas

samjhe the jis ko aam mujhe yaad hai abhī

ham aur saath saath kabhī is tarah mileñ

jaise ḳhayāl-e-ḳhām mujhe yaad hai abhī

vo guftugū nigāhoñ nigāhoñ meñ yaad hai

sargoshī meñ salām mujhe yaad hai abhī

kaise sañbhal sañbhal ke baḌā dekh-bhāl kar

ham tum the ham-kalām mujhe yaad hai abhī

kyā din the ḳhvāhishoñ kī baḌī rel-pel thī

jazboñ kā izhdihām mujhe yaad hai abhī

pūchhā ki mere dil meñ iqāmat hai kab talak

us ne kahā mudām mujhe yaad hai abhī

pūchhā ki zindagī meñ mirā ham-safar hai kaun

maiñ ne kahā ġhulām mujhe yaad hai abhī

ab tak vo zā.iqa bhī mujhe yaad hai 'yashab'

ham ne piyā thā jaam mujhe yaad hai abhī

rota hua wo baam mujhe yaad hai abhi

dil mein bikharti sham mujhe yaad hai abhi

phir kaise ho gaya hai wahi shaKHs itna KHas

samjhe the jis ko aam mujhe yaad hai abhi

hum aur sath sath kabhi is tarah milen

jaise KHayal-e-KHam mujhe yaad hai abhi

wo guftugu nigahon nigahon mein yaad hai

sargoshi mein salam mujhe yaad hai abhi

kaise sanbhal sanbhal ke baDa dekh-bhaal kar

hum tum the ham-kalam mujhe yaad hai abhi

kya din the KHwahishon ki baDi rel-pel thi

jazbon ka izhdiham mujhe yaad hai abhi

puchha ki mere dil mein iqamat hai kab talak

us ne kaha mudam mujhe yaad hai abhi

puchha ki zindagi mein mera ham-safar hai kaun

main ne kaha ghulam mujhe yaad hai abhi

ab tak wo zaiqa bhi mujhe yaad hai 'yashab'

hum ne piya tha jam mujhe yaad hai abhi