روتے ہوئے اک بار میں اس طور ہنسوں بھی

روتے ہوئے اک بار میں اس طور ہنسوں بھی

سب اہل ہنر جان سکیں زور جنوں بھی

حق ہو پہ دھرو کان بھلے ٹھیک ہے لیکن

کچھ اپنی سماعت میں بھرو کن فیکوں بھی

گھمبیر خموشی ہے مگر درد ہے سر میں

اے کاش کہ سناٹوں میں مل جاتا سکوں بھی

یعنی کہ شب و روز تجھے دور سے دیکھوں

مطلب کہ میں ہر روز مروں روز جیوں بھی

یعنی کہ ترے ساتھ بھی چپ چاپ گزاروں

پھر ہاتھ چھڑا لے کہ گزر جانی تھی یوں بھی

کب آئے گا جانے مجھے الفاظ میں ڈھلنا

جب لوگوں سے بولوں کہ میں خوش ہوں تو لگوں بھی