rote hue ek bar main is taur hansun bhi

rote hue ik baar maiñ is taur hañsūñ bhī

sab ahl-e-hunar jaan sakeñ zor-e-junūñ bhī

haq-hū pe dharo kaan bhale Thiik hai lekin

kuchh apnī samā'at meñ bharo kun-fayakūñ bhī

ġhhambīr ḳhamoshī hai magar dard hai sar meñ

ai kaash ki sannāToñ meñ mil jaatā sukūñ bhī

yā'nī ki shab-o-roz tujhe duur se dekhūñ

matlab ki maiñ har roz marūñ roz jiyūñ bhī

yā'nī ki tire saath bhī chup-chāp guzārūñ

phir haath chhuḌā le ki guzar jaanī thī yuuñ bhī

kab aa.egā jaane mujhe alfāz meñ Dhalnā

jab logoñ se bolūñ ki maiñ ḳhush huuñ to lagūñ bhī

rote hue ek bar main is taur hansun bhi

sab ahl-e-hunar jaan saken zor-e-junun bhi

haq-hu pe dharo kan bhale Thik hai lekin

kuchh apni sama'at mein bharo kun-fayakun bhi

ghambir KHamoshi hai magar dard hai sar mein

ai kash ki sannaTon mein mil jata sukun bhi

ya'ni ki shab-o-roz tujhe dur se dekhun

matlab ki main har roz marun roz jiyun bhi

ya'ni ki tere sath bhi chup-chap guzarun

phir hath chhuDa le ki guzar jaani thi yun bhi

kab aaega jaane mujhe alfaz mein Dhalna

jab logon se bolun ki main KHush hun to lagun bhi