rote rote chehre par kya guzri hai

rote rote chehre par kyā guzrī hai

bistar par aur takiye par kyā guzrī hai

tum se to har ashk chhupā le aa.e par

ham se pūchho chashme par kyā guzrī hai

jis rishte kī ḳhātir had se guzre ham

TuuTā to is rishte par kyā guzrī hai

tum ne to be-kār samajh kar pheñk diyā

par socho us jhumke par kyā guzrī hai

saath chalā karte the jis par donoñ ab

tanhā se is raste par kyā guzrī hai

sab ne mohan kī majbūrī hī samjhī

kis ne samjhā rādhe par kyā guzrī hai

ghar ko chhoḌ ke jaane vaale kyā jāneñ

ghar ke ek ik kamre par kyā guzrī hai

rote rote chehre par kya guzri hai

bistar par aur takiye par kya guzri hai

tum se to har ashk chhupa le aae par

hum se puchho chashme par kya guzri hai

jis rishte ki KHatir had se guzre hum

TuTa to is rishte par kya guzri hai

tum ne to be-kar samajh kar phenk diya

par socho us jhumke par kya guzri hai

sath chala karte the jis par donon ab

tanha se is raste par kya guzri hai

sab ne mohan ki majburi hi samjhi

kis ne samjha radhe par kya guzri hai

ghar ko chhoD ke jaane wale kya jaanen

ghar ke ek ek kamre par kya guzri hai