roz afzun hai aab-o-tab-e-suKHan

roz afzūñ hai āb-o-tāb-e-suḳhan

tā qayāmat khulā hai bāb-e-suḳhan

mujh ko serī na ho sakī ab tak

go ki piitā rahā huuñ āb-e-suḳhan

is kā chaskā ajiib chaskā hai

chhūTtī hī nahīñ sharāb-e-suḳhan

'mīr'-o-'saudā'-o-'ġhālib'-o-'iqbāl'

khīñchte haiñ sabhī tanāb-e-suḳhan

be-shumār is ke haiñ 'zakī' dīvān

kyā kare koī ehtisāb-e-suḳhan

roz afzun hai aab-o-tab-e-suKHan

ta qayamat khula hai bab-e-suKHan

mujh ko seri na ho saki ab tak

go ki pita raha hun aab-e-suKHan

is ka chaska ajib chaska hai

chhuTti hi nahin sharab-e-suKHan

'mir'-o-'sauda'-o-'ghaalib'-o-'iqbaal'

khinchte hain sabhi tanab-e-suKHan

be-shumar is ke hain 'zaki' diwan

kya kare koi ehtisab-e-suKHan