روز فکر معاش کرتا ہوں
روز فکر معاش کرتا ہوں
اپنا حصہ تلاش کرتا ہوں
میں جہان فریب کا ہر پل
آئنہ پاش پاش کرتا ہوں
ساری دنیا خلاف ہے مجھ سے
میں جو سچ کی تلاش کرتا ہوں
دل کے گہرے کھنڈر میں روز و شب
دفن خواہش کی لاش کرتا ہوں
اپنی محنت سے اپنے بچوں کو
مثل گل شادباش کرتا ہوں
خار ملتے ہیں مثل گل مجھ سے
میں جہاں بود و باش کرتا ہوں
ہنس کے سب سے عدیمؔ ملتا ہوں
دور دل کی خراش کرتا ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
