roz ek hangama-e-Khaali uTha jate hain din

roz ik hangāma-e-ḳhālī uThā jaate haiñ din

aur ham bekār meñ saarā bitā jaate haiñ din

kyoñ ham is amboh meñ dil kā lahū karte raheñ

ḳhaak meñ saarī tamannā.eñ milā jaate haiñ din

lamha-lamha apnā shīrāza baham karte haiñ ham

kaise kaise aadmī ko kaisā khā jaate haiñ din

qarz baḌhtā jā rahā hai sā’at-e-fardā kā aur

ek din guzrā nahīñ hai aur aa jaate haiñ din

hañste hañste dhyān kab hotā hai āñkhoñ par hameñ

ik zarā sī der lagtī hai rulā jaate haiñ din

'umr ke pachchīsveñ hisse meñ ye hāsil huā

rā.egāñ jaane se pahle hī bitā jaate haiñ din

sar-basar ham vahshat-e-ā.inda-o-imroz haiñ

aise be-hālat ko aksar kyoñ dukhā jaate haiñ din

ab kahāñ vo mahfil-e-bāda vo sarmastī 'amīr'

bas ghaḌī bhar ke liye mehmān aa jaate haiñ din

roz ek hangama-e-KHali uTha jate hain din

aur hum bekar mein sara bita jate hain din

kyon hum is amboh mein dil ka lahu karte rahen

KHak mein sari tamannaen mila jate hain din

lamha-lamha apna shiraaza baham karte hain hum

kaise kaise aadmi ko kaisa kha jate hain din

qarz baDhta ja raha hai sa’at-e-farda ka aur

ek din guzra nahin hai aur aa jate hain din

hanste hanste dhyan kab hota hai aankhon par hamein

ek zara si der lagti hai rula jate hain din

'umr ke pachchiswen hisse mein ye hasil hua

raegan jaane se pahle hi bita jate hain din

sar-basar hum wahshat-e-ainda-o-imroz hain

aise be-haalat ko aksar kyon dukha jate hain din

ab kahan wo mahfil-e-baada wo sarmasti 'amir'

bas ghaDi bhar ke liye mehman aa jate hain din