roz mujhko tabah karte hain

roz mujh ko tabāh karte haiñ

kuchh to aaseb mujh meñ aise haiñ

dil se sab ko duā.eñ dete haiñ

hañs ke sab kī balā.eñ lete haiñ

duur jaatā nahīñ huuñ tujh se yuuñ

duur kab jaane vaale lauTe haiñ

chārāgar bhī davā kare kab tak

ab to zaḳhmoñ se zaḳhm riste haiñ

maiñ ne bachpan kabhī nahīñ dekhā

mere auzār hī khilaune haiñ

aap ke dukh pe maiñ nahīñ rotā

aap kyoñ mere dukh pe rote haiñ

jaane vāloñ ko ham nahīñ rote

jaane vaale parā.e hote haiñ

maiñ huuñ mahrūm ik zamāna se

ḳhair tū ne to apne dekhe haiñ

aisā mahsūs ho rahā 'sohil'

mere marhūm paas baiThe haiñ

roz mujh ko tabah karte hain

kuchh to aaseb mujh mein aise hain

dil se sab ko duaen dete hain

hans ke sab ki balaen lete hain

dur jata nahin hun tujh se yun

dur kab jaane wale lauTe hain

chaaragar bhi dawa kare kab tak

ab to zaKHmon se zaKHm riste hain

main ne bachpan kabhi nahin dekha

mere auzar hi khilaune hain

aap ke dukh pe main nahin rota

aap kyon mere dukh pe rote hain

jaane walon ko hum nahin rote

jaane wale parae hote hain

main hun mahrum ek zamana se

KHair tu ne to apne dekhe hain

aisa mahsus ho raha 'sohil'

mere marhum pas baiThe hain