روز مجھ کو تباہ کرتے ہیں

روز مجھ کو تباہ کرتے ہیں

کچھ تو آسیب مجھ میں ایسے ہیں

دل سے سب کو دعائیں دیتے ہیں

ہنس کے سب کی بلائیں لیتے ہیں

دور جاتا نہیں ہوں تجھ سے یوں

دور کب جانے والے لوٹے ہیں

چارہ گر بھی دوا کرے کب تک

اب تو زخموں سے زخم رستے ہیں

میں نے بچپن کبھی نہیں دیکھا

میرے اوزار ہی کھلونے ہیں

آپ کے دکھ پہ میں نہیں روتا

آپ کیوں میرے دکھ پہ روتے ہیں

جانے والوں کو ہم نہیں روتے

جانے والے پرائے ہوتے ہیں

میں ہوں محروم اک زمانہ سے

خیر تو نے تو اپنے دیکھے ہیں

ایسا محسوس ہو رہا سوہلؔ

میرے مرحوم پاس بیٹھے ہیں