roz sham hoti hai roz hum sanwarte hain

roz shaam hotī hai roz ham sañvarte haiñ

phuul sej ke yūñhī sūkhte bikharte haiñ

dil ko toḌne vaale tū kahīñ na rusvā ho

ḳhair tere dāman kī chashm-e-tar se Darte haiñ

sub.h TuuT jaatā hai ā.īna tasavvur kā

raat bhar sitāroñ se apnī maañg bharte haiñ

zor aur kyā chaltā fasl-e-gul meñ kyā karte

bas yahī ki dāman ko taar taar karte haiñ

yā kabhī ye hālat thī zaḳhm-e-dil se Darte the

aur ab ye aalam hai chārāgar se Darte haiñ

yuuñ tire tasavvur meñ ashk-bār haiñ āñkheñ

jaise shabnamistāñ meñ phuul raqs karte haiñ

ḳhuuñ hameñ rulātī hai raah kī thakan 'bāno'

jab hamārī nazroñ se kārvāñ guzarte haiñ

roz sham hoti hai roz hum sanwarte hain

phul sej ke yunhi sukhte bikharte hain

dil ko toDne wale tu kahin na ruswa ho

KHair tere daman ki chashm-e-tar se Darte hain

subh TuT jata hai aaina tasawwur ka

raat bhar sitaron se apni mang bharte hain

zor aur kya chalta fasl-e-gul mein kya karte

bas yahi ki daman ko tar tar karte hain

ya kabhi ye haalat thi zaKHm-e-dil se Darte the

aur ab ye aalam hai chaaragar se Darte hain

yun tere tasawwur mein ashk-bar hain aankhen

jaise shabnamistan mein phul raqs karte hain

KHun hamein rulati hai rah ki thakan 'bano'

jab hamari nazron se karwan guzarte hain