ruk ja hujum-e-gul ki abhi hausla nahin

ruk jā hujūm-e-gul ki abhī hausla nahīñ

dil se ḳhayāl-e-tañgī-e-dāmāñ gayā nahīñ

jo kuchh haiñ sañg-o-ḳhisht haiñ yā gard-e-rah-guzar

tum tak jo aa.e un kā koī naqsh-e-pā nahīñ

har āstāñ pe likhkhā hai ab nām-e-shahr-yār

vābistagān-e-dil kai liye koī jā nahīñ

sad-haif us ke haath hai har zaḳhm kā rafū

dāman meñ jis ke ek bhī tār-e-vafā nahīñ

ruk ja hujum-e-gul ki abhi hausla nahin

dil se KHayal-e-tangi-e-daman gaya nahin

jo kuchh hain sang-o-KHisht hain ya gard-e-rah-guzar

tum tak jo aae un ka koi naqsh-e-pa nahin

har aastan pe likhkha hai ab nam-e-shahr-yar

wabistagan-e-dil kai liye koi ja nahin

sad-haif us ke hath hai har zaKHm ka rafu

daman mein jis ke ek bhi tar-e-wafa nahin