ruKH hawaon ke kisi samt hon manzar hain wahi
ruḳh havāoñ ke kisī samt hoñ manzar haiñ vahī
Topiyāñ rañg badaltī haiñ magar sar haiñ vahī
jin ke ajdād kī mohreñ dar-o-dīvār pe haiñ
kyā sitam hai ki bhare shahr meñ be-ghar haiñ vahī
phuul hī phuul the ḳhvāboñ meñ sar-e-vādi-e-shab
sub.h-dam rāhoñ meñ jalte hue patthar haiñ vahī
naav kāġhaz kī chalī kaaTh ke ghoḌe dauḌe
sho.abda-bāzī ke sach pūchho to daftar haiñ vahī
bik ga.e pichhle dinoñ sāhib-e-ālam kitne
ham faqīroñ ke magar 'ja.afarī' tevar haiñ vahī
ruKH hawaon ke kisi samt hon manzar hain wahi
Topiyan rang badalti hain magar sar hain wahi
jin ke ajdad ki mohren dar-o-diwar pe hain
kya sitam hai ki bhare shahr mein be-ghar hain wahi
phul hi phul the KHwabon mein sar-e-wadi-e-shab
subh-dam rahon mein jalte hue patthar hain wahi
naw kaghaz ki chali kaTh ke ghoDe dauDe
shoabda-bazi ke sach puchho to daftar hain wahi
bik gae pichhle dinon sahib-e-alam kitne
hum faqiron ke magar 'jafari' tewar hain wahi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
