ruKH pe zulfon ki jo un ke ye ghaTa chhai hai

ruḳh pe zulfoñ kī jo un ke ye ghaTā chhā.ī hai

rū-e-tābāñ pe chamak aur ubhar aa.ī hai

kis ne rā'nā.ī-e-jalve pe nazar Daalī hai

lā.iq-e-dīd tirī raunaq-o-zebā.ī hai

tū vo hastī to nahīñ hai ki bhulā duuñ dil se

mujh ko har dam shab-e-furqat tirī yaad aa.ī hai

raunaq-e-bazm tire dam hī se hai ai saaqī

vaah kyā ḳhuub tirī anjuman-ārā.ī hai

ye mahaktī huī ḳhushbū ye chaman kī raunaq

aap ke dam se chaman meñ ye bahār aa.ī hai

ḳhud vo aate bhī nahīñ mujh ko bulāte bhī nahīñ

qābil-e-dīd mirā ‘ālam-e-tanhā.ī hai

dil lagānā bhī musībat hai kisī se 'bāsir'

ye haqīqat mire dil ne mujhe samjhā.ī hai

ruKH pe zulfon ki jo un ke ye ghaTa chhai hai

ru-e-taban pe chamak aur ubhar aai hai

kis ne ra'nai-e-jalwe pe nazar Dali hai

laiq-e-did teri raunaq-o-zebai hai

tu wo hasti to nahin hai ki bhula dun dil se

mujh ko har dam shab-e-furqat teri yaad aai hai

raunaq-e-bazm tere dam hi se hai ai saqi

wah kya KHub teri anjuman-arai hai

ye mahakti hui KHushbu ye chaman ki raunaq

aap ke dam se chaman mein ye bahaar aai hai

KHud wo aate bhi nahin mujh ko bulate bhi nahin

qabil-e-did mera ‘alam-e-tanhai hai

dil lagana bhi musibat hai kisi se 'basir'

ye haqiqat mere dil ne mujhe samjhai hai