aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ruKHsat-e-shab ka saman pahle kabhi dekha na tha

Ahmad Mushtaq

ruKHsat-e-shab ka saman pahle kabhi dekha na tha

Ahmad Mushtaq

MORE BYAhmad Mushtaq

    ruḳhsat-e-shab samāñ pahle kabhī dekhā na thā

    itnā raushan āsmāñ pahle kabhī dekhā na thā

    duur tak phailā huā sahrā nazar aayā mujhe

    ek zarra bhī jahāñ pahle kabhī dekhā na thā

    dīdanī thā mauj-e-dariyā nashāt be-panāh

    jalva-e-āb-e-ravāñ pahle kabhī dekhā na thā

    ahl-e-duniyā to hamesha se aise the magar

    ishq itnā nā-tavāñ pahle kabhī dekhā na thā

    dil pareshāñ ho gayā rañg-e-zavāl-e-husn se

    aag dekhī thī dhuāñ pahle kabhī dekhā na thā

    is qadar hairāñ na ho āñkhoñ meñ aañsū dekh kar

    tujh ko itnā mehrbāñ pahle kabhī dekhā na thā

    ruKHsat-e-shab ka saman pahle kabhi dekha na tha

    itna raushan aasman pahle kabhi dekha na tha

    dur tak phaila hua sahra nazar aaya mujhe

    ek zarra bhi jahan pahle kabhi dekha na tha

    didani tha mauj-e-dariya ka nashat be-panah

    jalwa-e-ab-e-rawan pahle kabhi dekha na tha

    ahl-e-duniya to hamesha hi se aise the magar

    ishq itna na-tawan pahle kabhi dekha na tha

    dil pareshan ho gaya rang-e-zawal-e-husn se

    aag dekhi thi dhuan pahle kabhi dekha na tha

    is qadar hairan na ho aankhon mein aansu dekh kar

    tujh ko itna mehrban pahle kabhi dekha na tha

    RECITATIONS

    Nomaan Shauque

    Nomaan Shauque,

    Nomaan Shauque

    ruKHsat-e-shab ka saman pahle kabhi dekha na tha Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now