ruKHsati ke din chukana hoga jurmana sanam

ruḳhsatī ke din chukānā hogā jurmāna sanam

ik dafa denā paḌegā phir se ye shāna sanam

bhuul kar mujh ko jo tum ne bhuul kī thī ik dafa

zikr bhī us bhuul kā lab par nahīñ laanā sanam

tum sajā denā khile sad.hā gulāboñ se mujhe

āḳhirī hogā tumhārā ye hī harjāna sanam

jo chhupā kar aaj bhī rakkhe haiñ ḳhat sandūq meñ

chāhte haiñ un ḳhatoñ ko saath le jaanā sanam

chāñd ke jaane se hī rāteñ badaltī sub.h meñ

jaate jaate bas yahī kahtā hai dīvāna sanam

ruKHsati ke din chukana hoga jurmana sanam

ek dafa dena paDega phir se ye shana sanam

bhul kar mujh ko jo tum ne bhul ki thi ek dafa

zikr bhi us bhul ka lab par nahin lana sanam

tum saja dena khile sadha gulabon se mujhe

aaKHiri hoga tumhaara ye hi harjaana sanam

jo chhupa kar aaj bhi rakkhe hain KHat sanduq mein

chahte hain un KHaton ko sath le jaana sanam

chand ke jaane se hi raaten badalti subh mein

jate jate bas yahi kahta hai diwana sanam