rukne ke liye dast-e-sitam-gar bhi nahin tha

rukne ke liye dast-e-sitam-gar bhī nahīñ thā

afsos kisī haath meñ patthar bhī nahīñ thā

bāhar jo nahīñ thā to koī baat nahīñ thī

ehsās-e-nadāmt magar andar bhī nahīñ thā

jannat na mujhe dī to maiñ dozaḳh bhī na lūñgā

momin jo nahīñ thā to maiñ kāfir bhī nahīñ thā

lauTā jo vatan ko to vo raste hī nahīñ the

jo ghar thā vahāñ vo to mirā ghar bhī nahīñ thā

anjām to zāhir thā safeñ TuuT chukī thiiñ

sālār-e-muazzaz sar-e-lashkar bhī nahīñ thā

afsos qabīle pe khulā ġhair ke hāthoñ

sardār ke pahlū meñ to ḳhanjar bhī nahīñ thā

jo baat kahī thī vo bahut saaf kahī thī

dil meñ jo nahīñ thā vo zabāñ par bhī nahīñ thā

ye sach hai qasīda na 'hilāl' ek bhī likkhā

ye sach hai ki maiñ shaah kā naukar bhī nahīñ thā

rukne ke liye dast-e-sitam-gar bhi nahin tha

afsos kisi hath mein patthar bhi nahin tha

bahar jo nahin tha to koi baat nahin thi

ehsas-e-nadamt magar andar bhi nahin tha

jannat na mujhe di to main dozaKH bhi na lunga

momin jo nahin tha to main kafir bhi nahin tha

lauTa jo watan ko to wo raste hi nahin the

jo ghar tha wahan wo to mera ghar bhi nahin tha

anjam to zahir tha safen TuT chuki thin

salar-e-muazzaz sar-e-lashkar bhi nahin tha

afsos qabile pe khula ghair ke hathon

sardar ke pahlu mein to KHanjar bhi nahin tha

jo baat kahi thi wo bahut saf kahi thi

dil mein jo nahin tha wo zaban par bhi nahin tha

ye sach hai qasida na 'hilal' ek bhi likkha

ye sach hai ki main shah ka naukar bhi nahin tha