rumuz-e-be-KHudi samjhe na asrar-e-KHudi samjhe

rumūz-e-be-ḳhudī samjhe na asrār-e-ḳhudī samjhe

baḌī shai hai agar apnī haqīqat aadmī samjhe

ziyā andar ziyā tanvīr dar tanvīr zau dar zau

koī āḳhir kahāñ tak rāz-hā-e-zindagī

nahīñ haTtī nazar anjām-e-ālam se nahīñ haTtī

use koī ḳhudī gardān le yā be-ḳhudī samjhe

bahut mushkil hai is me.aar kī rindī zamāne meñ

jo laġhzish ko gunah aur be-ḳhudī ko zindagī samjhe

jab ehsās-e-bulandī past kar detā hai fitrat ko

ye mushkil hai phir insāñ aadmī ko aadmī samjhe

junūñ ik manzil-e-be-nām ko tai kartā jaatā hai

kise fursat hai jo sūd-o-ziyān-e-zindagī samjhe

hameñ to muddatoñ se justujū hai aise insāñ kī

hamārī zindagī ko bhī jo apnī zindagī samjhe

jalā paatī hai is se ruuh dil bedār hotā hai

baḌī muddat meñ ham 'ehsān' qadr-e-muflisī samjhe

rumuz-e-be-KHudi samjhe na asrar-e-KHudi samjhe

baDi shai hai agar apni haqiqat aadmi samjhe

ziya andar ziya tanwir dar tanwir zau dar zau

koi aaKHir kahan tak raaz-ha-e-zindagi

nahin haTti nazar anjam-e-alam se nahin haTti

use koi KHudi gardan le ya be-KHudi samjhe

bahut mushkil hai is mear ki rindi zamane mein

jo laghzish ko gunah aur be-KHudi ko zindagi samjhe

jab ehsas-e-bulandi past kar deta hai fitrat ko

ye mushkil hai phir insan aadmi ko aadmi samjhe

junun ek manzil-e-be-nam ko tai karta jata hai

kise fursat hai jo sud-o-ziyan-e-zindagi samjhe

hamein to muddaton se justuju hai aise insan ki

hamari zindagi ko bhi jo apni zindagi samjhe

jala pati hai is se ruh dil bedar hota hai

baDi muddat mein hum 'ehsan' qadr-e-muflisi samjhe