ruswa-e-ishq hai tera shaida kahen jise
rusvā-e-ishq hai tirā shaidā kaheñ jise
ushshāq meñ misāl hai rusvā kaheñ jise
siina chaman hai ġhuncha-e-dil hai shagufta-dil
terī nigāh hai chaman-ārā kaheñ jise
ġham-parvarīda hai dil-e-shorīdgān-e-ishq
furqat kī ek raat hai duniyā kaheñ jise
mansūb kufr dair se īmāñ haram se hai
ik rah gayā huuñ maiñ ki tumhārā kaheñ jise
ham ġhair-mo'tabar sahī aur ġhair mo'tabar
kahnā bajā hai aap kā jaisā kaheñ jise
ruswa-e-ishq hai tera shaida kahen jise
ushshaq mein misal hai ruswa kahen jise
sina chaman hai ghuncha-e-dil hai shagufta-dil
teri nigah hai chaman-ara kahen jise
gham-parwarida hai dil-e-shoridgan-e-ishq
furqat ki ek raat hai duniya kahen jise
mansub kufr dair se iman haram se hai
ek rah gaya hun main ki tumhaara kahen jise
hum ghair-mo'tabar sahi aur ghair mo'tabar
kahna baja hai aap ka jaisa kahen jise
- Book : Mujalla Dastavez (Pg. 61)
- Author : Aziz Nabeel
- Publication : Edarah Dastavez (2013-14)
- Edition : 2013-14
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
