ruswa-e-ishq mein tera shaida kahen jise

rusvā-e-ishq meñ tirā shaidā kaheñ jise

ushshāq meñ misāl hai rusvā kaheñ jise

siina chaman hai ġhuncha-e-dil hai shagufta-dil

terī nigāh hai chaman-ārā kaheñ jise

ġham parvarīda hai dil-e-shorīdgān-e-ishq

furqat kī ek raat hai duniyā kaheñ jise

mansūb kufr dair se īmāñ haram se hai

ik rah gayā huuñ maiñ ki tumhārā kaheñ jise

ham ġhair-mo'tabar sahī aur ġhair mo'atabar

kahnā bajā hai aap kā jaisā kaheñ jise

'sāhir' nafas vo daam hai jis meñ ki hai asiir

mauj-e-dam-e-ḳhayāl ki anqā kaheñ jise

ruswa-e-ishq mein tera shaida kahen jise

ushshaq mein misal hai ruswa kahen jise

sina chaman hai ghuncha-e-dil hai shagufta-dil

teri nigah hai chaman-ara kahen jise

gham parwarida hai dil-e-shoridgan-e-ishq

furqat ki ek raat hai duniya kahen jise

mansub kufr dair se iman haram se hai

ek rah gaya hun main ki tumhaara kahen jise

hum ghair-mo'tabar sahi aur ghair mo'atabar

kahna baja hai aap ka jaisa kahen jise

'sahir' nafas wo dam hai jis mein ki hai asir

mauj-e-dam-e-KHayal ki anqa kahen jise