ruswaiyon ka meri tamasha na kijiye

rusvā.iyoñ kā merī tamāsha na kījiye

lillāh apne aap ko rusvā na kījiye

har zulm par vafā kā taqāza na kījiye

mahñgā paḌegā aap pe saudā na kījiye

hañsiye na aap yuuñ mire hāl-e-tabāh par

tārīk zindagī meñ ujālā na kījiye

kāñToñ se rasm-o-rāh kā gar hausla na ho

phūloñ kī apne dil meñ tamannā na kījiye

kuchh mushkilāt-e-rāh-e-vafā kī ḳhabar bhī hai

chalne kā mere saath irāda na kījiye

merī nigāh-e-shauq kā jaadū bhī kam nahīñ

āñkhoñ meñ āñkheñ Daal ke dekhā na kījiye

vāraftagī-e-shauq meñ 'anvar' ke sāmne

jab aa ga.e haiñ aap to parda na kījiye

ruswaiyon ka meri tamasha na kijiye

lillah apne aap ko ruswa na kijiye

har zulm par wafa ka taqaza na kijiye

mahnga paDega aap pe sauda na kijiye

hansiye na aap yun mere haal-e-tabah par

tarik zindagi mein ujala na kijiye

kanTon se rasm-o-rah ka gar hausla na ho

phulon ki apne dil mein tamanna na kijiye

kuchh mushkilat-e-rah-e-wafa ki KHabar bhi hai

chalne ka mere sath irada na kijiye

meri nigah-e-shauq ka jadu bhi kam nahin

aankhon mein aankhen Dal ke dekha na kijiye

waraftagi-e-shauq mein 'anwar' ke samne

jab aa gae hain aap to parda na kijiye