ru-ba-ru aana chhupana chhoD de
rū-ba-rū aanā chhupānā chhoḌ de
lan-tarānī kā sunānā chhoḌ de
jalva-gar ho jā mire dil meñ sanam
kū-ba-kū mujh ko phirānā chhoḌ de
ab to musht-e-ḳhāk baaqī rah ga.ī
sho.ala-e-furqat jalānā chhoḌ de
rañj sahne kī nahīñ tāqat mujhe
ġhair kī mahfil meñ jaanā chhoḌ de
misl-e-but ḳhāmosh ho jā.ūñgā maiñ
gar salāsil ġhul machānā chhoḌ de
ai sabā sar-gashta maiñ kab tak rahūñ
merī miTTī kā uḌānā chhoḌ de
taar taar ab ho ga.e dāman mire
panja-e-vahshat sunānā chhoḌ de
ruḳh pe aa kar be-adab karte haiñ bal
gesuoñ kā sar chhuḌānā chhoḌ de
huuñ 'jamīla' kī tarah maiñ ġham-zada
ai falak merā satānā chhoḌ de
ru-ba-ru aana chhupana chhoD de
lan-tarani ka sunana chhoD de
jalwa-gar ho ja mere dil mein sanam
ku-ba-ku mujh ko phirana chhoD de
ab to musht-e-KHak baqi rah gai
shoala-e-furqat jalana chhoD de
ranj sahne ki nahin taqat mujhe
ghair ki mahfil mein jaana chhoD de
misl-e-but KHamosh ho jaunga main
gar salasil ghul machana chhoD de
ai saba sar-gashta main kab tak rahun
meri miTTi ka uDana chhoD de
tar tar ab ho gae daman mere
panja-e-wahshat sunana chhoD de
ruKH pe aa kar be-adab karte hain bal
gesuon ka sar chhuDana chhoD de
hun 'jamila' ki tarah main gham-zada
ai falak mera satana chhoD de
- Book : Diwan-e-jamila (Pg. 292)
- Author : Jamila Khuda Bakhsh
- Publication : Khuda Bakhsh Oriental Public Library, Patna (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
