ru-ba-ru sina-ba-sina pa-ba-pa aur lab-ba-lab

rū-ba-rū sīna-ba-sīna pā-ba-pā aur lab-ba-lab

nāchtī shab meñ barahna ho ga.e kyuuñ sab ke sab

ḳhud-kushī kar lī bhare gulshan meñ jis ne be-sabab

maiñ ne sīkhā hai usī hamrāz se jiine kā Dhab

hañste hañste ruuh kī āvāz pāgal ho ga.ī

gumbadoñ kī ḳhāmushī ne der tak khole na lab

pī rahe haiñ ḳhushnumā shīshoñ meñ log apnā lahū

aur kyā hogā anokhe rañg kā jashn-e-tarab

ai mohabbat ab to lauTā de mire sajde mujhe

marte dam tak zindagī kartī rahī terā adab

laash sūraj kī siyah kamre meñ thī laTkī huī

mere ghar kā qufl kholā shab kī tanhā.ī ne jab

'prem' terī shā.erī hai yā muqaddas jū-e-shīr

tīsha-e-taḳhlīq jis se daad kartā hai talab

ru-ba-ru sina-ba-sina pa-ba-pa aur lab-ba-lab

nachti shab mein barahna ho gae kyun sab ke sab

KHud-kushi kar li bhare gulshan mein jis ne be-sabab

main ne sikha hai usi hamraaz se jine ka Dhab

hanste hanste ruh ki aawaz pagal ho gai

gumbadon ki KHamushi ne der tak khole na lab

pi rahe hain KHushnuma shishon mein log apna lahu

aur kya hoga anokhe rang ka jashn-e-tarab

ai mohabbat ab to lauTa de mere sajde mujhe

marte dam tak zindagi karti rahi tera adab

lash suraj ki siyah kamre mein thi laTki hui

mere ghar ka qufl khola shab ki tanhai ne jab

'prem' teri shaeri hai ya muqaddas ju-e-shir

tisha-e-taKHliq jis se dad karta hai talab