ruh-e-ehsas hai tahi-daman
rūh-e-ehsās hai tahī-dāman
dil hai yā hasratoñ kā ik madfan
phailtī jā rahī hai tārīkī
shaam mahsūs kar rahī hai thakan
multafit jab se hai nazar un kī
dil ko dar-pesh hai na.ī uljhan
merī yādoñ se gul-ba-dāmāñ hai
ek zohra-jamāl kā āñgan
ādmiyyat kahīñ na ho rusvā
zindagī kā badal rahā hai chalan
har sitāra mire muqaddar kā
un ke māthe kī ban gayā hai shikan
luT chukā huuñ rah-e-tamannā meñ
aarzū ab to chhoḌ de dāman
kis ko apnā kaheñ ki ai 'nāsir'
har hasīñ shaḳhs hai vafā dushman
ruh-e-ehsas hai tahi-daman
dil hai ya hasraton ka ek madfan
phailti ja rahi hai tariki
sham mahsus kar rahi hai thakan
multafit jab se hai nazar un ki
dil ko dar-pesh hai nai uljhan
meri yaadon se gul-ba-daman hai
ek zohra-jamal ka aangan
aadmiyyat kahin na ho ruswa
zindagi ka badal raha hai chalan
har sitara mere muqaddar ka
un ke mathe ki ban gaya hai shikan
luT chuka hun rah-e-tamanna mein
aarzu ab to chhoD de daman
kis ko apna kahen ki ai 'nasir'
har hasin shaKHs hai wafa dushman
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
