ruh ke jaane ki qalib se koi muddat nahin

ruuh ke jaane kī qālib se koī muddat nahīñ

sabr kar ai dil tujhe kyā sabr kī tāqat nahīñ

kyā mirī betābī-e-dil bā.is-e-vahshat nahīñ

ye ḳhalish pahlū kī mere monis-e-ġhurbat nahīñ

dil nahīñ hai vo nahīñ hai ishq kā jis meñ guzar

vo bhī koī aañkh hai jis aañkh meñ hasrat nahīñ

koī ḳhvāhāñ sīm-o-zar kā koī tālib taḳht kā

mere aage faqr se behtar koī daulat nahīñ

aao baiTho shauq se ḳhud ko chhupā kar dil meñ tum

is se behtar do-jahāñ meñ gosha-e-uzlat nahīñ

ḳhulq himmat aur muravvat haiñ sharaf insān ke

vo kabhī insāñ nahīñ hai jis meñ ye hālat nahīñ

ḳhūn-e-dil piitā hai aur khātā hai vo laḳht-e-jigar

āb-o-dāna kī tire bīmār ko hājat nahīñ

le ke dil merā dam-e-ruḳhsat vo ye kahne lage

ḳhil.at-e-tahsīñ se behtar koī bhī ḳhil.at nahīñ

ai 'jamīla' sūrat-e-tasvīr maiñ ḳhāmosh huuñ

zo.af had se baḌh gayā nāloñ kī ab qudrat nahīñ

ruh ke jaane ki qalib se koi muddat nahin

sabr kar ai dil tujhe kya sabr ki taqat nahin

kya meri betabi-e-dil bais-e-wahshat nahin

ye KHalish pahlu ki mere monis-e-ghurbat nahin

dil nahin hai wo nahin hai ishq ka jis mein guzar

wo bhi koi aankh hai jis aankh mein hasrat nahin

koi KHwahan sim-o-zar ka koi talib taKHt ka

mere aage faqr se behtar koi daulat nahin

aao baiTho shauq se KHud ko chhupa kar dil mein tum

is se behtar do-jahan mein gosha-e-uzlat nahin

KHulq himmat aur murawwat hain sharaf insan ke

wo kabhi insan nahin hai jis mein ye haalat nahin

KHun-e-dil pita hai aur khata hai wo laKHt-e-jigar

aab-o-dana ki tere bimar ko hajat nahin

le ke dil mera dam-e-ruKHsat wo ye kahne lage

KHilat-e-tahsin se behtar koi bhi KHilat nahin

ai 'jamila' surat-e-taswir main KHamosh hun

zoaf had se baDh gaya nalon ki ab qudrat nahin