ruh ki baat sune jism ke tewar dekhe

ruuh kī baat sune jism ke tevar dekhe

iltijā hai ki vo is aag meñ jal kar dekhe

tum vo dariyā ki chaḌhe bhī to ghaḌī bhar ke liye

maiñ vo qatra huuñ jo gir ke bhī samundar dekhe

chubhtā māhaul ghuTī ruuh gurezāñ lamhe

dil kī hasrat hai kabhī un se nikal kar dekhe

ek naqshe pe zamāna rahā hañgām-e-visāl

shīsha-e-jism meñ sau tarah ke manzar dekhe

kaise kar le vo yaqīñ tujh pe fareb-e-ġham-e-zāt

terī rāhoñ meñ jo tashkīk ke patthar dekhe

baat ho sirf haqīqat kī to sah le lekin

apne ḳhvāboñ ko bikharte koī kyūñkar dekhe

ham se mat pūchhiye kyā nafs pe guzrī 'ummīd'

ek ik saañs se laḌte hue lashkar dekhe

ruh ki baat sune jism ke tewar dekhe

iltija hai ki wo is aag mein jal kar dekhe

tum wo dariya ki chaDhe bhi to ghaDi bhar ke liye

main wo qatra hun jo gir ke bhi samundar dekhe

chubhta mahaul ghuTi ruh gurezan lamhe

dil ki hasrat hai kabhi un se nikal kar dekhe

ek naqshe pe zamana raha hangam-e-visal

shisha-e-jism mein sau tarah ke manzar dekhe

kaise kar le wo yaqin tujh pe fareb-e-gham-e-zat

teri rahon mein jo tashkik ke patthar dekhe

baat ho sirf haqiqat ki to sah le lekin

apne KHwabon ko bikharte koi kyunkar dekhe

hum se mat puchhiye kya nafs pe guzri 'ummid'

ek ek sans se laDte hue lashkar dekhe