ruh ko aaj naz hai apna waqar dekh kar

ruuh ko aaj naaz hai apnā vaqār dekh kar

us ne chaḌhā.īñ tevriyāñ merā qarār dekh kar

qasd-e-gila na thā magar hashr meñ josh-e-shauq se

haath mirā na ruk sakā dāman-e-yār dekh kar

dekh ke ek baar unheñ dil to haath dho chuke

dekhiye kyā guzartī hai dūsrī baar dekh kar

aate haiñ vo to pahle hī rañj se saaf ho rahūñ

aa ke kahīñ palaT na jaa.eñ dil meñ ġhubār dekh kar

ka.abe ko jā na 'shauq' abhī niyyat-e-zindagī ba-ḳhair

ham bhī chaleñge tere saath ab kī bahār dekh kar

vasl se guzre ai ḳhudā haañ ye shugūn chāhiye

sub.h ko ham uThā kareñ rū-e-nigār dekh kar

ruh ko aaj naz hai apna waqar dekh kar

us ne chaDhain tewriyan mera qarar dekh kar

qasd-e-gila na tha magar hashr mein josh-e-shauq se

hath mera na ruk saka daman-e-yar dekh kar

dekh ke ek bar unhen dil to hath dho chuke

dekhiye kya guzarti hai dusri bar dekh kar

aate hain wo to pahle hi ranj se saf ho rahun

aa ke kahin palaT na jaen dil mein ghubar dekh kar

kabe ko ja na 'shauq' abhi niyyat-e-zindagi ba-KHair

hum bhi chalenge tere sath ab ki bahaar dekh kar

wasl se guzre ai KHuda han ye shugun chahiye

subh ko hum uTha karen ru-e-nigar dekh kar