rup sunahra aankh kanwal hai kya likkhun

ruup sunahrā aañkh kañval hai kyā likkhūñ

us kī ik-ik baat ġhazal hai kyā likkhūñ

maiñ ki dukh ke sahrāoñ meñ pyāsā huuñ

vo ki sukh kā gangā-jal hai kyā likkhūñ

maiñ ki har ik moḌ na.e dorāhe par

vo ki har uljhan kā hal hai kyā likkhūñ

soch rahā thā likh duuñ dil kī baat use

phir sochā dil to pāgal hai kyā likkhūñ

jis ko dekh ke vaqt kī nabzeñ ruk jaa.eñ

us kī aañkh meñ vo kājal hai kyā likkhūñ

shahr tire se niklā huuñ maiñ kuchh aise

āñkheñ nam haiñ aur daldal hai kyā likkhūñ

maiñ baiThā thā likhne apne ġham us ko

ashkoñ se kāġhaz jal-thal hai kyā likkhūñ

rūp-nagar meñ nuur sā jhilmil vo chehra

sundar shītal aur komal hai kyā likkhūñ

chāñd sitāre us ko dekh ke jalte haiñ

vo jagmag sā shīsh-mahal hai kyā likkhūñ

us ke lams ko baaġh kā baaġh tarastā hai

vo shādāb hai yā maḳhmal hai kyā likkhūñ

us ne qatl kiyā par kaun gavāhī de

saarī duniyā us ke val hai kyā likkhūñ

ek 'mubārak' vo na dil se duur rahe

baaqī to phir chal so chal hai kyā likkhūñ

rup sunahra aankh kanwal hai kya likkhun

us ki ik-ik baat ghazal hai kya likkhun

main ki dukh ke sahraon mein pyasa hun

wo ki sukh ka ganga-jal hai kya likkhun

main ki har ek moD nae dorahe par

wo ki har uljhan ka hal hai kya likkhun

soch raha tha likh dun dil ki baat use

phir socha dil to pagal hai kya likkhun

jis ko dekh ke waqt ki nabzen ruk jaen

us ki aankh mein wo kajal hai kya likkhun

shahr tere se nikla hun main kuchh aise

aankhen nam hain aur daldal hai kya likkhun

main baiTha tha likhne apne gham us ko

ashkon se kaghaz jal-thal hai kya likkhun

rup-nagar mein nur sa jhilmil wo chehra

sundar shital aur komal hai kya likkhun

chand sitare us ko dekh ke jalte hain

wo jagmag sa shish-mahal hai kya likkhun

us ke lams ko bagh ka bagh tarasta hai

wo shadab hai ya maKHmal hai kya likkhun

us ne qatl kiya par kaun gawahi de

sari duniya us ke wal hai kya likkhun

ek 'mubarak' wo na dil se dur rahe

baqi to phir chal so chal hai kya likkhun