ruTh jae wo mah-jabin na kahin

ruuTh jaa.e vo mah-jabīñ na kahīñ

lab pe aa jaa.e phir nahīñ na kahīñ

ham ne duniyā ko chhān maarā hai

tujh sā dekhā magar hasīñ na kahīñ

terī jānib se mujh ko khaTkā hai

ġhair ho jaa.e dil-nashīñ na kahīñ

shikva dushman kā karte Dartā huuñ

ho vahī mār-e-āstīñ na kahīñ

dil ko mere churā ke le jaa.e

vo but-e-sehr-āfrīñ na kahīñ

ye na kahiye kisī se ulfat se

khā.eñ dhokā yahāñ hamīñ na kahīñ

mudda.ā dil kā kyā kaheñ us se

ham se bigḌe vo nāznīñ na kahīñ

dil kisī but ke dil se miltā hai

ek ho jaa.eñ kufr-o-dīñ na kahīñ

sher kahnā samajh ke ai shañkar

koī mil jaa.e nukta-chīñ na kahīñ

ruTh jae wo mah-jabin na kahin

lab pe aa jae phir nahin na kahin

hum ne duniya ko chhan mara hai

tujh sa dekha magar hasin na kahin

teri jaanib se mujh ko khaTka hai

ghair ho jae dil-nashin na kahin

shikwa dushman ka karte Darta hun

ho wahi mar-e-astin na kahin

dil ko mere chura ke le jae

wo but-e-sehr-afrin na kahin

ye na kahiye kisi se ulfat se

khaen dhoka yahan hamin na kahin

muddaa dil ka kya kahen us se

hum se bigDe wo naznin na kahin

dil kisi but ke dil se milta hai

ek ho jaen kufr-o-din na kahin

sher kahna samajh ke ai shankar

koi mil jae nukta-chin na kahin