ruTh kar ek mah-ru kya meri mahfil se gaya

ruuTh kar ik māh-rū kyā merī mahfil se gayā

rang phūloñ se gayā naġhma anādil se gayā

naav yādoñ kī shafaq ke pāniyoñ meñ kho ga.ī

rafta rafta ye samāñ bhī chashm-e-sāhil se gayā

tīrgī sī chhā ga.ī bām-o-dar-e-ehsās par

kaun vaqt-e-shām uTh kar mahfil-e-dil se gayā

terī hastī se talātum thā mirī amvāj meñ

ab ye pech-o-ḳham bhī zulf-e-mauj-e-sāhil se gayā

kyā milā ai dil tujhe ishq-e-but-e-gulfām se

jām-e-jam kī justujū meñ kūza-e-gul se gayā

laash bhī sālim na chhoḌī kushtagān-e-ishq kī

ab ye sheva bhī nigāh-e-chashm-e-qātil se gayā

'shaiḳh' jī in mast āñkhoñ se raho kuchh duur duur

jo yahāñ tak aa gayā vo bach ke mushkil se gayā

ruTh kar ek mah-ru kya meri mahfil se gaya

rang phulon se gaya naghma anadil se gaya

naw yaadon ki shafaq ke paniyon mein kho gai

rafta rafta ye saman bhi chashm-e-sahil se gaya

tirgi si chha gai baam-o-dar-e-ehsas par

kaun waqt-e-sham uTh kar mahfil-e-dil se gaya

teri hasti se talatum tha meri amwaj mein

ab ye pech-o-KHam bhi zulf-e-mauj-e-sahil se gaya

kya mila ai dil tujhe ishq-e-but-e-gulfam se

jam-e-jam ki justuju mein kuza-e-gul se gaya

lash bhi salim na chhoDi kushtagan-e-ishq ki

ab ye shewa bhi nigah-e-chashm-e-qatil se gaya

'shaiKH' ji in mast aankhon se raho kuchh dur dur

jo yahan tak aa gaya wo bach ke mushkil se gaya