ساعت ہجر کٹ گئی عشق جوان ہو گیا

ساعت ہجر کٹ گئی عشق جوان ہو گیا

شہر میں عرصے بعد پھر امن و امان ہو گیا

جس کے بغیر زیست کا ذہن میں خاکہ تک نہ تھا

کیسے وہ شخص یک بہ یک وہم و گمان ہو گیا

دل کے معاملات کی ہم کو بھی تھوڑی فہم ہے

کیا کہیں دوستو یہاں جاں کا زیان ہو گیا

ہم کو بھی فخر ہے کہ ہم رکھتے تھے اپنے سر پہ چھت

کوئی مکاں ملا نہ تھا درد مکان ہو گیا

ایک نئے سفر پہ اب ہونا ہے ہم کو گامزن

پاؤں بھی لڑکھڑا اٹھے رستہ ڈھلان ہو گیا