sada hai garche lauh-e-basarat bahaal rakh

saada hai garche lauh-e-basārat bahāl rakh

shor-e-qalam bahut hai samā.at bahāl rakh

zaḳhm-e-talāsh meñ hai nihāñ marham-e-dalīl

tū apnā dil na haar mohabbat bahāl rakh

nazzāra be-nazāra huā hai to kyā huā

hairat kī taab diid kī hasrat bahāl rakh

bas meñ to ḳhair kuchh bhī nahīñ hai tire magar

bachnā hai yāsiyat se to vahshat bahāl rakh

mastī o hosh o jazb o jalāl o junūn o ishq

ai mere yaar koī to shiddat bahāl rakh

sada hai garche lauh-e-basarat bahaal rakh

shor-e-qalam bahut hai samaat bahaal rakh

zaKHm-e-talash mein hai nihan marham-e-dalil

tu apna dil na haar mohabbat bahaal rakh

nazzara be-nazara hua hai to kya hua

hairat ki tab did ki hasrat bahaal rakh

bas mein to KHair kuchh bhi nahin hai tere magar

bachna hai yasiyat se to wahshat bahaal rakh

masti o hosh o jazb o jalal o junun o ishq

ai mere yar koi to shiddat bahaal rakh