سائے سپنے تصویریں ہیں کوئی کس سے بات کرے

سائے سپنے تصویریں ہیں کوئی کس سے بات کرے

کوئی اکیلا تنہا تنہا کیسے بسر اوقات کرے

من کے پاؤں ٹوٹ چکے ہیں جوش انا بھی ٹھنڈا ہے

اب یہ میرا میں بیچارہ کیسے کس کی مات کرے

خوابوں کے متوالے دل کو یہ خواہش تو رہتی ہے

ان کے رخ سے صبح تراشے زلف سے ان کی رات کرے

تم ہو میرے سنگی ساتھی دونوں کو سمجھایا جب

میری عقل سے میرا ہی دل کیسے دو دو ہات کرے

اسی لیے میں سب سے زیادہ اپنے آپ سے ڈرتا ہوں

مجھ پر کوئی ظلم کرے تو میری اپنی ذات کرے

اس سے آنکھ ملی ہے جب بھی اکثر دھوکا کھایا ہے

میرا من رکھنے کو شاید ابھی وہ مجھ سے بات کرے