saf dil aur nazar pak liye phirte hain

saaf dil aur nazar paak liye phirte haiñ

muflisī meñ bhī ye imlāk liye phirte haiñ

dījiye daad ki is daur-e-pur-āshob meñ ham

be-ḳhatar lahja-e-bebāk liye phirte haiñ

ham ne har haal meñ jiine kā hunar siikh liyā

aap kyoñ dīda-e-namnāk liye phirte haiñ

ḳhush-libāsī hai faqat lā.eq-e-tāzīm yahāñ

aur ham dāman-e-sad-chāk liye phirte haiñ

āshiyānoñ kī sukūnat ke maze lūTeñge

jo parinde ḳhas-o-ḳhāshāk liye phirte haiñ

ham ki afsos-sad-afsos man-o-tū ke asiir

vo ki mansūbe ḳhatarnāk liye phirte haiñ

bas maqāmāt-e-muqaddas kī ziyārat ho nasīb

ham ye hasrat shah-e-laulāk liye phirte haiñ

saf dil aur nazar pak liye phirte hain

muflisi mein bhi ye imlak liye phirte hain

dijiye dad ki is daur-e-pur-ashob mein hum

be-KHatar lahja-e-bebak liye phirte hain

hum ne har haal mein jine ka hunar sikh liya

aap kyon dida-e-namnak liye phirte hain

KHush-libasi hai faqat laeq-e-tazim yahan

aur hum daman-e-sad-chaak liye phirte hain

aashiyanon ki sukunat ke maze luTenge

jo parinde KHas-o-KHashak liye phirte hain

hum ki afsos-sad-afsos man-o-tu ke asir

wo ki mansube KHatarnak liye phirte hain

bas maqamat-e-muqaddas ki ziyarat ho nasib

hum ye hasrat shah-e-laulak liye phirte hain