saf dil tha sab ke ghar jata tha main

saaf dil thā sab ke ghar jaatā thā maiñ

jitnā adnā utnā hī a.alā thā maiñ

raat ke sāyoñ se merā rabt thā

sub.h ho jaane pe ghar lauTā thā maiñ

is electric poll ke saa.e tale

TikTikī bāñdhe hue baiThā thā maiñ

phir nayā sūraj ugāne ke liye

sub.h-e-sādiq kī tarah ubhrā thā maiñ

maiñ kabhī parbat ke jaisā thā aTal

yā zarā sī Thes par bikhrā thā maiñ

ik chamakte aa.ine kā aks thā

aur bachche kī tarah lapkā thā maiñ

baT gayā huuñ aaj jismoñ meñ ka.ī

'nūr' kal tak kis qadar tanhā thā maiñ

saf dil tha sab ke ghar jata tha main

jitna adna utna hi aala tha main

raat ke sayon se mera rabt tha

subh ho jaane pe ghar lauTa tha main

is electric poll ke sae tale

TikTiki bandhe hue baiTha tha main

phir naya suraj ugane ke liye

subh-e-sadiq ki tarah ubhra tha main

main kabhi parbat ke jaisa tha aTal

ya zara si Thes par bikhra tha main

ek chamakte aaine ka aks tha

aur bachche ki tarah lapka tha main

baT gaya hun aaj jismon mein kai

'nur' kal tak kis qadar tanha tha main