saghar kyun Khaali hai mera ai saqi tere maiKHane mein

sāġhar kyuuñ ḳhālī hai mirā ai saaqī tire maiḳhāne meñ

phir Daal de ulfat kī nazreñ ik baar mire paimāne meñ

vo ishq nahīñ hai bul-havasī jo vasl kī chāhat kartā hai

baaqī hai farāsat ab tak bhī itnī to tire dīvāne meñ

duniyā kī ināyat hai utnī har gaam bichhātī hai kāñTe

ham rañg-e-hinā kaise bharte is ulfat ke afsāne meñ

kyuuñ ḳhaak meñ merī vasf nahīñ jis se mah-o-anjum sharmā.eñ

har aan ulajhtā jaatā huuñ is gutthī ko suljhāne meñ

phir rāz-e-ḳhudī e.azāz-ḳhudī parvāz-e-ḳhudī us se pūchheñ

'iqbāl' sā koī farzāna mil jaa.e agar anjāne meñ

saghar kyun KHali hai mera ai saqi tere maiKHane mein

phir Dal de ulfat ki nazren ek bar mere paimane mein

wo ishq nahin hai bul-hawasi jo wasl ki chahat karta hai

baqi hai farasat ab tak bhi itni to tere diwane mein

duniya ki inayat hai utni har gam bichhati hai kanTe

hum rang-e-hina kaise bharte is ulfat ke afsane mein

kyun KHak mein meri wasf nahin jis se mah-o-anjum sharmaen

har aan ulajhta jata hun is gutthi ko suljhane mein

phir raaz-e-KHudi eazaz-KHudi parwaz-e-KHudi us se puchhen

'iqbaal' sa koi farzana mil jae agar anjaane mein