sahab-e-zar na sahi sahab-e-izzat hain abhi

sāhab-e-zar na sahī sāhab-e-izzat haiñ abhī

aur ik sañg-e-malāmat ki salāmat haiñ abhī

yuuñ to be-qufl haiñ lab aur sadā.eñ āzād

phir bhī alfāz ki mahrūm-e-samā.at haiñ abhī

pur ta.assur thī bahut un kī ḳhitābat lekin

chand bāteñ haiñ ki marhūn-e-vazāhat haiñ abhī

sach ke ḳheme meñ raheñ jhuuT kī bai.at kar leñ

kitne hī log ki pāband-e-rivāyat haiñ abhī

sahab-e-zar na sahi sahab-e-izzat hain abhi

aur ek sang-e-malamat ki salamat hain abhi

yun to be-qufl hain lab aur sadaen aazad

phir bhi alfaz ki mahrum-e-samaat hain abhi

pur tassur thi bahut un ki KHitabat lekin

chand baaten hain ki marhun-e-wazahat hain abhi

sach ke KHeme mein rahen jhuT ki baiat kar len

kitne hi log ki paband-e-riwayat hain abhi