sahib-e-ishq ab itni si to rahat mujhe de
sāhib-e-ishq ab itnī sī to rāhat mujhe de
ghar banā yā dar-o-dīvār se ruḳhsat mujhe de
jaan ye sarkashī-e-jism tire bas kī nahīñ
merī āġhosh meñ aa lā ye musībat mujhe de
to farāham na ho mujh ko ye hai marzī terī
tujh ko jab chāhūñ bulā luuñ ye ijāzat mujhe de
ye tirī bazm-e-badan yuuñ to nahīñ chal saktī
ek shab ko hī sahī is kī nizāmat mujhe de
ā.ine! maiñ tirā ā.īna-dar-ā.īna huuñ
aaj tak kā mirā sarmāya-e-hairat mujhe de
na milegā tujhe mujh sā bhī tahī-dast murīd
mere hisse kī jo ho daulat-e-bai.at mujhe de
jaane kab hogā mirī zaat pe āp-apnā nuzūl
ḳhvāb koī to kabhī merī bashārat mujhe de
mere bhī ek ishāre meñ ho ma.anī kā hujūm
aañkh us kī jo kabhī dars-e-balāġhat mujhe de
'farhat-ullāh' ke khāte meñ na Daal ā.īñe
'farhat-ehsās' huuñ maiñ lā mirī sūrat mujhe de
sahib-e-ishq ab itni si to rahat mujhe de
ghar bana ya dar-o-diwar se ruKHsat mujhe de
jaan ye sarkashi-e-jism tere bas ki nahin
meri aaghosh mein aa la ye musibat mujhe de
to faraham na ho mujh ko ye hai marzi teri
tujh ko jab chahun bula lun ye ijazat mujhe de
ye teri bazm-e-badan yun to nahin chal sakti
ek shab ko hi sahi is ki nizamat mujhe de
aaine! main tera aaina-dar-aina hun
aaj tak ka mera sarmaya-e-hairat mujhe de
na milega tujhe mujh sa bhi tahi-dast murid
mere hisse ki jo ho daulat-e-baiat mujhe de
jaane kab hoga meri zat pe aap-apna nuzul
KHwab koi to kabhi meri bashaarat mujhe de
mere bhi ek ishaare mein ho mani ka hujum
aankh us ki jo kabhi dars-e-balaghat mujhe de
'farhat-ullah' ke khate mein na Dal aaine
'farhat-ehsas' hun main la meri surat mujhe de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
