sahib-e-jam-o-subu ahl-e-karam aate hain

sāhib-e-jām-o-subū ahl-e-karam aate haiñ

ham se dīvāne magar dahr meñ kam aate haiñ

kyā sabab hai ki tirī bazm meñ ai jān-e-hayāt

jab bhī aate haiñ mire hisse meñ ġham aate haiñ

ab na zaḳhmoñ kī zarūrat hai na marham kī talāsh

ye marāhil bhī rah-e-ishq meñ kam aate haiñ

jab bhī maiñ shiddat-e-tanhā.ī se ghabrāyā huuñ

ek āvāz sī aa.ī hai ki ham aate haiñ

un se kis tarah mulāqāt kareñ ham āḳhir

vo kahāñ hote haiñ jab hosh meñ ham aate haiñ

ye mere azm-e-musalsal kī kashish hai 'aḳhtar'

merī jānib mirī manzil ke qadam aate haiñ

sahib-e-jam-o-subu ahl-e-karam aate hain

hum se diwane magar dahr mein kam aate hain

kya sabab hai ki teri bazm mein ai jaan-e-hayat

jab bhi aate hain mere hisse mein gham aate hain

ab na zaKHmon ki zarurat hai na marham ki talash

ye marahil bhi rah-e-ishq mein kam aate hain

jab bhi main shiddat-e-tanhai se ghabraya hun

ek aawaz si aai hai ki hum aate hain

un se kis tarah mulaqat karen hum aaKHir

wo kahan hote hain jab hosh mein hum aate hain

ye mere azm-e-musalsal ki kashish hai 'aKHtar'

meri jaanib meri manzil ke qadam aate hain