sahil par dariya ki lahren sajda karti rahti hain

sāhil par dariyā kī lahreñ sajda kartī rahtī haiñ

lauT ke phir aane jaane kā va.adā kartī rahtī haiñ

kyā jaane kab dhartī par sailāb kā manzar ho jaa.e

har-dam ye majbūr nigāheñ varshā kartī rahtī haiñ

un kī nayyā bin māñjhī ke paar karegī sab dariyā

kyūñki Dher duā.eñ jaise pīchhā kartī rahtī haiñ

kis kis manzar par ḳhud ko ranjīda kar luuñ sochūñgā

har manzar par āñhkeñ merī nauha kartī rahtī haiñ

be-mehnat jab roTī qaidī ban jaatī hai thālī kī

be-ġhairat sī rāteñ mujh se shikva kartī rahtī haiñ

patthar ho jaa.eñ yā paanī rim-jhim rim-jhim barsā.eñ

āñhkeñ saare manzar ko ā.īna kartī rahtī haiñ

sahil par dariya ki lahren sajda karti rahti hain

lauT ke phir aane jaane ka wada karti rahti hain

kya jaane kab dharti par sailab ka manzar ho jae

har-dam ye majbur nigahen warsha karti rahti hain

un ki nayya bin manjhi ke par karegi sab dariya

kyunki Dher duaen jaise pichha karti rahti hain

kis kis manzar par KHud ko ranjida kar lun sochunga

har manzar par aanhken meri nauha karti rahti hain

be-mehnat jab roTi qaidi ban jati hai thaali ki

be-ghairat si raaten mujh se shikwa karti rahti hain

patthar ho jaen ya pani rim-jhim rim-jhim barsaen

aanhken sare manzar ko aaina karti rahti hain