sahilon ka bhi na ehsan tha gawara mujhko

sāhiloñ kā bhī na ehsāñ thā gavārā mujh ko

itnā dariyā ke talātum ne sañvārā mujh ko

pyaas aisī hai ki andar se sulagtā hai badan

aur paanī ke sivā kuchh nahīñ chārā mujh ko

ab to dāman ko lapakte haiñ lahū ke sho.ale

aur pukāre hai kahīñ ḳhuun kā dhārā mujh ko

ḳhūñ-bahā le ke abhī ḳhair se palTe bhī na the

maqtal-e-ḳhauf meñ phir kis ne pukārā mujh ko

pāsdārī kī jaḌeñ maiñ ne hilā kar rakh diiñ

vo samajhte the faqat iiñT aur gaarā mujh ko

ajnabī shahr kī begāna mizājī ke ḳhilāf

mere saa.e ne diyā kitnā sahārā mujh ko

dard hī dard kamāte ho magar kahte ho

ishq ke khel meñ hotā hai ḳhasāra mujh ko

surma.ī shaam ke chehre pe hayā kā āñchal

achchhā lagtā hai bahut aisā nazāra mujh ko

maiñ to jugnū kī tarah shab meñ pareshāñ hairāñ

raat bhī kahtī hai āvāra sitāra mujh ko

sahilon ka bhi na ehsan tha gawara mujh ko

itna dariya ke talatum ne sanwara mujh ko

pyas aisi hai ki andar se sulagta hai badan

aur pani ke siwa kuchh nahin chaara mujh ko

ab to daman ko lapakte hain lahu ke shoale

aur pukare hai kahin KHun ka dhaara mujh ko

KHun-baha le ke abhi KHair se palTe bhi na the

maqtal-e-KHauf mein phir kis ne pukara mujh ko

pasdari ki jaDen main ne hila kar rakh din

wo samajhte the faqat inT aur gara mujh ko

ajnabi shahr ki begana mizaji ke KHilaf

mere sae ne diya kitna sahaara mujh ko

dard hi dard kamate ho magar kahte ho

ishq ke khel mein hota hai KHasara mujh ko

surmai sham ke chehre pe haya ka aanchal

achchha lagta hai bahut aisa nazara mujh ko

main to jugnu ki tarah shab mein pareshan hairan

raat bhi kahti hai aawara sitara mujh ko