sail-e-waqt hain daman-e-karam dekhenge

sā.il-e-vaqt haiñ dāmān-e-karam dekheñge

ham tire dast-e-tasarruf kā bharam dekheñge

hādse kitne muqābil haiñ ye ham dekheñge

aur kab tak hai ye tūfān meñ dam dekheñge

sarfaroshān-e-vafā ham to azal se haiñ magar

kitnī ḳhūñ-rez hai ye teġh-e-sitam dekheñge

ham ne rāhoñ ko ujāle to diye daur-e-ḳhirad

kitne raushan haiñ tire naqsh-e-qadam dekheñge

zikr jab apne har ik zaḳhm-e-vafā kā hogā

gul-fishānī bhī sar-e-lauh-o-qalam dekheñge

zindagī ḳhvāb sahī terī tamanna phir bhī

umr bhar tere tasavvur ke sanam dekheñge

jaane kis moḌ pe le aayā hameñ karb-e-hayāt

ab na vo zulf na vo zulf ke ḳham dekheñge

pyaar hamdardī vafā mehr-o-muravvat aḳhlāq

jo bhī dekheñge ab is daur meñ kam dekheñge

apne hī ḳhuuñ se chamak uTThegī tārīḳh 'kalīm'

ahd-e-hāzir ke jo māthe pe raqam dekheñge

sail-e-waqt hain daman-e-karam dekhenge

hum tere dast-e-tasarruf ka bharam dekhenge

hadse kitne muqabil hain ye hum dekhenge

aur kab tak hai ye tufan mein dam dekhenge

sarfaroshan-e-wafa hum to azal se hain magar

kitni KHun-rez hai ye tegh-e-sitam dekhenge

hum ne rahon ko ujale to diye daur-e-KHirad

kitne raushan hain tere naqsh-e-qadam dekhenge

zikr jab apne har ek zaKHm-e-wafa ka hoga

gul-fishani bhi sar-e-lauh-o-qalam dekhenge

zindagi KHwab sahi teri tamanna phir bhi

umr bhar tere tasawwur ke sanam dekhenge

jaane kis moD pe le aaya hamein karb-e-hayat

ab na wo zulf na wo zulf ke KHam dekhenge

pyar hamdardi wafa mehr-o-murawwat aKHlaq

jo bhi dekhenge ab is daur mein kam dekhenge

apne hi KHun se chamak uTThegi tariKH 'kalim'

ahd-e-hazir ke jo mathe pe raqam dekhenge